Ang maalam na Rant #11

How to produce magic in a story?

It’s been an hour and I can do nothing but to keep staring at a blank sheet of paper. I don’t know how to start writing a story or a review, ito na ba ang tinatawag nilang ‘Writers Block’?

                Ang totoo niyan gusto kong gumawa ng isang istorya tungkol sa isang supladang babae at weird na lalaki pero hindi ko alam kung paano ko uumpisahan, kagaya ng mga istoryang nagawa ko na ay maaaring hindi ko na din ito ituloy habang nasa kalagitnaan pa lang sa kadahilanang nawala nalang bigla yung apoy na nag-uudyok sa aking ipagpatuloy ang kwento at ang ending nawalan na ng twist ang istorya at naging boring.

                Paano ko nga ba mapapanatiling buhay ang isang istorya? Paano ba magiging kaakit-akit ito sa mga mambabasa? Paano mo ba mapapanatili ang mga mambabasa mo hanggang sa matapos ang kwento? Marami ang mga manunulat na gustong malaman ang mga kasagutan sa mga tanong na iyan. Gusto ko man i-search sa Google ang mga sagot pero naglalaban ang utak at puso ko. Gusto ng utak ko na mag-search na lamang at gusto ng puso ko na analisahin ko ang mga bagay-bagay para mahanap ang mga sagot pero hindi pwedeng mamili ako ng isa sakanila dahil mawawalan ng saysay sa mga bagay-bagay kung isa lang sakanila ang paiiralin ko kung kaya`t naisipan kong pagsamahin ang dalawa.

                Kung hindi mo ako kilala nasisiguro kong mabo-bored ka at iko-close mo na ang rant na ito pero dahil alam kong kailangan mo ito para ma-enhance ang kaalaman mo susubukan kong gawing kaaliw-aliw ang bagay na ito.

                Una sa lahat, sa pagsusulat ng isang kwento kailangan mo ng almusal. Sa paga-almusal ba palaging isa lang ang nakahain? Diba gusto mo may dalawa at tatlong putahe? Ganoon din sa kwento, hindi mo pwedeng hainan ang mambabasa mo ng iisang putahe lang. Kailangan mong maging karinderya na nagbibigay ng mga twist sa bawat putahe, kailangang ang-ayunan ka ng mambabasa mo, kailangan nilang maging curious sa istoryang ginagawa mo.

                Ikalawa, bigyan mo ng compelling syndrome ang mamababasa mo, kailangang ma-attach siya sa kwento, kung kailangang patayin at buhayin mo ang bida gawin mo. In that way makakakuha ka ng response sakanila, bad or good it’s still a response, alam mo na sa point na ‘yon emotionally attached na sila sa mga karakter ng istorya mo.

                Ikatlo at bago ka pa mawalan ng mambabasa, bigyan mo ng kapahingahan ang bida mo bago mo siya bigyan ulit ng pagsubok, kailangan hindi ka nawawalan ng problemang ibibigay sakanya at kung gusto mong manghingi ng problema sakin bibigyan kita, ilan ba? Well, depende sa`yo yan kung hanggang kailan mo kayang patakbuhin ang istorya mo.

                Kahit na alam ko na ang mga bagay na `yan, hindi parin nawawala ang Writers Block ko dahil ang bagay na iyon ay kusa na lamang dumadating sa mga manunulat. Oppppsss! Wait? Writer ako? Dahil may Writers block ako ngayon? Anbelibabol! Ikaw na ang bahalang humusga.