"Disgrasyada"
“Buntis ka pala?”
“Hindi ko akalaing mabubuntis ka.
Validictorian ka noong Elementary tayo di ba?”
“Alam mo ba, buntis na daw si
ganito? Tapos tinakasan daw nung Tatay ng bata.”
Nakakatawang
isipin na marami talaga sa mga tao ngayon ang lubos na mapanghusga, kung sino
pa ang kaibigan mo, kung sino pa ang kamag—anak mo at kung sino pa ang mga
pinagkakatiwalaan mo ay sila pa ang maninira sa`yo.
Hindi
lingid sa kaalaman ng karamihan na marami ngayon ang nabubuntis ng maaga, pero
sapat na ba ang dahilang iyon para husgahan sila at pagtsismis-an habang
nagma-majong kayo ng mga kumare mo sa sugalan? Naitanong mo ba sa kanila kung
bakit nangyari `yon? Narinig mo ba ang kwento ng buhay nila para husgahan mo
sila ng ganon- ganon na lang?
Naisip
mo ba na bawat salitang namumutawi sa bibig mo ay maaaring makasakit at
makapatay ng tao? Ilagay mo ang sarili mo sa sitwasyon nila at organisahin ang
mga bagay na magagawa kung sakaling sa`yo mangyari ang bagay na `yon.
Ilagay
mo sa lugar ang mga sinasabi mo. Anong masama kung batang ina siya? Hindi mo
siya dapat husgahan dahil lang sa kamaliang nagawa niya kung nagpupursige pa
rin naman siyang maiahon ang sarili niya sa putikan at maging matagumpay. Anong
masama kung single mother siya? Dapat pa nga siyang parangalan dahil naitaguyod
niya ang kanyang anak ng mag-isa.
Wala
na tayo sa makalumang panahon ngunit hindi ko din sinasabi na okay lang
magpabuntis ng maaga, ang sa`kin ay hindi tayo mga mangmang para manghusga sa
mga taong hindi karapatdapat hiyain. Hindi lahat ng maagang nabubuntis ay
malandi o masamang babae, huwag mong pakialaman ang mga bagay na wala ka namang
kinalaman. Bow.
Walang komento:
Mag-post ng isang Komento